Qarabağ Əlil Döyüşçülər Futbol Federasiyası Avropa Amputant Futbol Federasiyasına (AAFF) üzv seçilmişdir. AAFF-a üzv olan Federasiyamız Polşanın Varşava şəhərində təşkil edilmiş 2020-ci il üçün nəzərdə tutulmuş Avropa Çempionatının püşkatma mərasimində iştirak edərək, çempionatda iştirak etmək hüququ qazanmış və “B” qrupunda yer almışdır. Dünyada baş vermiş koronovirus pandemiyası nəticəsində Avropa çempionatının keçirilməsi 2021-ci il sentyabr ayına təxirə salınmışdır.

Bununla yanaşı, Federasiyanın apardığı işlər nəticəsində 2020-ci ilin sentyabrın 18-21 tarixlərində Polşanın Varşava şəhərində keçiriləcək Avropa Amputant Futbol kubokunun final mərhələsinə dəvət almışıq. Həmçinin oktyabr ayında Türkiyənin Qazıentəpə şəhərində keçirilməsi nəzərdə tutulan Çempionlar Liqasında da oynamaq hüququ qazanmışıq.